Nýjar vörur frá Muna

02.03.2022

Tilkynningar

Tvær nýjar og spennandi vörur hafa nú bæst við Muna vörulínuna. Um er að ræða annars vegar Möndlusmjör en það er til dæmis tilvalið í heilsudrykkinn, baksturinn sem álegg á hrökkbrauðið svo fátt eitt sé nefnt. Hinsvegar er það svo kalsíumríka ofurfæðan Tahini sem mikið er notuð í grænmetisrétti, dressingar og heimalagaðan hummus.

Hvernig notum við tahini?

Þegar við opnum krukkuna er stundum smá olía efst. Þetta er náttúruleg olía úr sesam-fræjum. Henni er vanalegast hrært saman við tahiníið fyrir notkun. Sumir kjósa að hella olíunni af, þetta er smekksatriði. Hægt er að nota tahíníið beint úr krukkunni, hér koma nokkrir möguleikar:

-Ofan á brauð í staðin fyrir smjör eða hnetusmjör.

-Setja það í blandara með vatni og við erum komin með sesammjólk (eða aðeins minna vatn og þá erum við með tahini mayonese).

-Nota í pottrétti í staðin fyrir kókosmjólk til að mýkja & þykkja.

-Í salatdressingar og ídýfur.

-Í hummus og aðrar bauna og grænmetissmyrjur.

Muna hummus að hætti Lindu Ben

Jalapenó hummus

300 gr soðnar kjúklingabaunir

1 msk Tahini frá Muna

3 msk ólífu olía frá Muna

1 msk hunang

½ tsk salt

Safi úr sítrónu

1 msk jalapenó í krukku

1-2 msk safi af jalapenó (hægt að skipta út fyrir vatn ef þið viljið ekki of sterkt)

Vatn eftir þörfum.

Aðferð: Setjið öll innihaldsefnin ofan í blandara og blandið saman, bætið við vatni eftir hversu mikið ykkur finnst þurfa, ef hummusinn er mjög þykkur er gott að setja meira vatn í hann til að þynna.

Sjá fleiri uppskriftir hér: Hummus hátíð Lindu Ben | H Magasín | Heilsa & heilsusamlegur lífstíll (hmagasin.is)

Til baka í yfirlit